na feature ito sa philippine star last week (april 15 to 18). galing to sa aking kaibigan, who should be a national artist by now, dengcoy miel.
ilang minuto na lang, sasakay na ako ng eroplano pabalik kay jet. maraming salamat sa inyong lahat na nakipagkita sa akin.
nakakapagod din pag isang lingo ka lang sa pilipinas. pilit mong pinapagkasya lahat para ma experience mo lahat. gusto mong makita ang mga kaibigan mo at kamag-anak. kung saan-saan ka bumabyahe para makita sila. lahat ng pagkain na di mo nakakain abroad ay gusto mong tikman. pakiramdam mo tuloy, ang buhay mo ay parang pelikulang pinapanood ng naka fast forward. naiinitindihan mo pa lang ang kwento, nasa “THE END” na agad.
tatlong araw na ako rito sa maynila. miyerkoles na ng hapon dito at nakatambay ako sa isang internet cafe sa mega mall. mamayang kaunti ay makikipag tawanan na naman ako kina tito rolly at iba pang mga kaibigan. ok naman yung launch nung monday. maraming mga kaibigan at kamag-anak ang nagpunta kaya na sold out ang libro ko. ikukwento ko na lang ito sa ibang araw, kasama ang mga picture.
kung may oras kayo sa lunes, april 14, alas tres ng hapon. magpunta kayo sa Fully Booked sa The Fort para dumalo sa booklaunch ng “Batang Kaning Lamig” at iba pang mga libro ng fox books.
ito na ang pagkakataon ninyo para makakita ng singkit pero kutis betlog na middle aged pero kyut pa rin na book author slash OFW slash engineer slash ex-macho dancer. ang nag-iisang kilabot ng mga matrona sa banal na sakramento parish ng barrio talipapa.
oo virginia, uuwi ako kaya mag kita kita tayo roon.
WAKAS
eto ang current playlist ko ngayong lingo ng april habang naalala ko ang daddy at mommy ko, habang binabalikan ko ang panahon nung lumalaki ako sa barrio talipapa, habang iniisip ko ang buhay ko at habang punong puno ng pagmamahal sa asawa ko.
BWAKANGINANGYAN, ITUTULOY ANG BITIN
lumipat ako ng bagong pwesto rito sa opisina. tinambakan kasi ako ng mas maraming trabaho at ang regalo sa akin ng boss ko ay mas malaking working space. kunswelo de bobo, alam ko. ang kagandahan lang nito ay nilagay niya ako sa liblib na lugar sa building kaya pwede akong magpatugtog ng music. kinakabit ko lang yung ipod sa speakers pagdating ko sa umaga at ok na ako for the rest of the day.
ITUTULOY NA NAMAN
ang tawag ng mga mexicano sa singkamas ay jicama. sabi sa wiki, native daw ang singkamas sa central america. ibig sabihin, yung mga kastila ang nagdala sa pilipinas nito. malamang sinakay sa galleon para mayroong pagkain na mayaman sa tubig ang mga pasahero. may kalayuan din naman kasi ang distansya ng acapulco sa maynila at magandang pantawid uhaw at gutom ang singakamas. isa pa, kung ikaw yung kapitan ng galleon ay pwede mo rin ipalo yung matigas na singkamas sa ulo ng mga may balak mag abandon ship.
