nag charter ng dapor (maliit na bapor) ang opis last saturday at nagpunta kami sa dana point para sa isang afternoon fishing trip. first time ko sa buong buhay na mag fishing at nag enjoy ako ng husto. ang daming nahuli ng group namin. ang gagaling kasi mag fishing ng mga kasama ko. isang hagis lang nila at after a while mayroon agad huli. ako? wala, kamote. pero awa ng diyos, nakahuli naman ako ng tatlong pelican. hindi ko kasi alam kung paano mangisda kaya puro mga ibon lang ang kumakagat sa pa-in ko. mga sira-ulo pala ang mga pelican dito. kinukuha nila yung mga isda pag hindi ka nakatingin. mayroon ding mga seal na umaaligid sa dapor namin at kinakain din nila yung mga nahuhuling isda. naka bingwit din ako ng isa pero nakawala. gusto pa nga yatang mang-alaska nung seal dahil pinalakpakan pa ako ng bwisit nung paalis na siya. ang nasa picture nga pala ay si jeremy. siya ang nakakuha ng catch of the day – may prize siyang $150. suwerteng bata. samantalang ako eh umuwi ng may luha sa mata.