dear unkyel batjay,
ano po ba ang ibig sabihin ng ingles na salitang “euthanasia”?
nagmamahal,
gentle reader
Our little joys relate without that ever present hate
8
Monthly Archives: January 2007
Vision is the art of seeing things invisible
mga paborito kong pelikula na napanood itong nakaraang isang taon:
3. the departed
4. borat
6. apocalypse now, the complete dossier
9. kung mangarap ka’t magising
10. three iron
palabas pa sa mga sinehan ang ibang pelikula rito. yung mga luma naman ay available na sa DVD. panoorin ninyo, walang tapon sa listahang ito.
1001 FUN THINGS TO DO WITH THIS TROPHY
Never saw the sun shining so bright, Never saw things going so right
suswertehin siguro ako. nakapulot na naman ako ng 1 cent habang naglalakad kanina. itong linggo lang na ito, siguro mga 4 times na. kasabihan kasi rito na may darating na suwerte pag nakapulot ka ng penny kaya nga pumasok sa isip ko na may bubulagang goodluck sa akin. oo nga pala, contrary sa mga sinasabi ng mga kabarkada ko sa novaliches, penny ang tawag sa 1 cent coin, hindi penis.
Food is an important part of a balanced diet
dumalaw kami sa bahay ni connie (AKA “the sassy lawyer“) nung umuwi kami last december. isa ito sa mga highlight ng trip namin dahil, una nakarating na rin kami sa bahay nila sa wakas at more importantly, natikman na rin namin ni jet ang luto niya. may food blog si connie at isa ito sa pinaka sikat na pinoy website dahil milyon milyong mga tao ang gumagamit ng mga recipe niya. isa na ako roon. ok yung setting namin ng lunch – kumain kami doon sa garden sa likod ng bahay nila. nakalimutan ko na yung niluto niya – baked manok at beef stew na parehong masarap. yan ang hirap sa akin, kain lang ako ng kain at hindi ko tinatandaan ang mga kinakain ko. ah basta, ok itong lahat lalo na dahil may kasamang tsismisan habang kumakain kami.
Because Kastila gid at Waray-Waray man
magbalik-tanaw tayong muli sa mga ala-ala na bigla na lang sumusulpot pag nangungulangot. ito’y pagpapatuloy sa ating radio drama series na pinamagatang “si magellan ay supot”
nung bata ako, akala ko yung “Magellan’s Terrifying Circumnavigation of the World” ay storya tungkol sa pagkamatay ni magellan sa cebu dahil nagkaroon ng infection ang titi niya nung tinuli siya ni lapu-lapu.
THE END. ang pagbabalik tanaw na ito ay handog sa inyo ng “RUBY BLADE POMADE. ang pomada ng mga nag-aahit“.
Adam ate the apple, and our teeth still ache
dear unkyel batjay,
pagkatapos ko pong kumain ng tanghalian kanina ay biglang natanggal ang pasta ko sa ngipin at bigla po itong sumakit. matindi po ang hapdi at halos mahimatay ako sa sobrang sakit. ano po ba ang pwede kong gawin para hindi ko maramdaman ang sakit sa ngipin?
lubos na gumagalang,
gentle reader
My love she laughs like the flowers
happy birthday mylab.
habang sinusulat ko ito, nakikita kitang nagluluto sa kusina. mukhang masaya ang mukha mo at pakanta-kanta ka pa. bagay sa iyo ang suot mong technicolor na sombrero. sana parati kang ganyan. yan lang naman ang kaligayahan ko – ang makita kang maligaya. kaya nga huwag mong ilalapit masyado ang mata mo sa hinihiwa mong sibuyas. ano ba yang niluluto mo? manok na may special sauce na bago mong imbento. ang bango. bagay yan na counterpoint sa niluto mong sinigang na hipon. bigla tuloy akong nagutom. pero hihintayin na lang kitang matapos magluto para sabay tayong kumain mamaya. in the meantime, papanoorin na lang muna kitang maghanda.
lab U,
jay
The sun is a thousand rays in your belly
dear unkyel batjay,
nabasa ko po ang ginawa mong pagpapapayat at ako po’y na inspire sa inyong disiplina. alam ko po kung gaano kahirap magbawas ng timbang sapagkat matagal ko na pong ginagawa ito pero wala pong nangyayari. actually, imbis nga na pumayat ako ay lalo akong tumataba. ang problema ko po ay ang akong tiyan – sobra po ang laki. nabasa ko po na mas malaki po raw ang chance na magkaroon ng sakit sa puso ang mga taong malaki ang tiyan . tutuo po ba ito?
lubos na gumagalang,
gentle reader
ANG ALAMAT NG PAGPAPAPOGI
pagpapatuloy ito ng kwento ko tungkol sa diet at pagpapapayat na sinimulan ko last year nung napagkamalan akong baby hippopotamus dahil sa aking 216 lbs, mostly prime fat sa tiyan at mukha. at 5’10 at 216 lbs medyo borderline obese. hindi biro ang maging isang 40 year old na overweight diabetic hypertensve. kinabahan ako dahil ang tatay ko ay diabetic at hypertensive din. namatay siya dahil sa stroke at 60 and he wasn’t even close to my weight dahil sexy ang daddy ko kaya nga marami siyang mga girlfriend at anak sa loob at labas. but that’s another story.
ito ang listahan ng kung ano ang ginawa ko para mawalan ng 43 lbs over a 12 month period…
