Category Archives: BUHAY OFW
You’re gonna walk that endless highway
29
isang buwan na lang tapos na ang lease namin dito sa apartment. kailangang mag decide na kami ni jet in the next few weeks kung itutuloy namin ito for another year or lilipat na kami ng bagong tirahan. milestone din ang lease expiration dahil ito rin ang anniversary ng pag landing namin. ang bilis ng panahon ano? two years na pala kami dito sa america itong darating na august 1st.
ang dami na ring nagbago – nag lose ako ng 40 pounds at si jet ay marunong nang mag drive. dumami ang puting buhok ko pero natuto naman akong kumain ng cereal. nagkaron din kami ng kulay berdeng card last year at na promote ako sa trabaho itong june. dati assistant clerk, ngayon assistant vice clerk.
sana magpatuloy pa ang suwerte para matuloy na yung matagal na naming pinaplano na magkaroon ng sariling bahay sa amerika. sana rin ay may magregalo sa akin ng nail cutter sa paa.
Dulce et decorum est pro patria mori
memorial day ngayon dito sa amerika kaya wala kaming pasok sa opis. pinagdiriwang ang memorial day tuwing 4th monday ng buwan ng mayo para gunitain at bigyan ng parangal ang mga namatay na mga amerikano sa lahat ng mga sinalihan nilang guerra. isa ito sa pinaka solemn na holiday kaya taon-taon ay milyong milyong mga tao ang lumalabas ng bahay para mag barbecue.
HIPON COMING BACK!
nagluto ako ng inihaw na hipon nung sabado. sinamahan ko ito ng grilled asparagus, tofu, ginisang spinach at toge. it was really good, if i may say so myself. perfect spring time weekend meal.
Declare the pennies on your eyes
deadline ngayon ng pag file ng buwis dito sa america. siguradong maiinit na naman ang ulo ng mga taong tulad ko na kailangang magbayad ng karagdagang buwis over and above yung withholding tax na binabawas sa sweldo every payday. nakakainis nga, wala kasi kaming tax shelter ni jet. hindi pa kami nakakabili ng bahay at wala rin kaming anak kaya todo-todo (kasama pati pamato’t panabla) ang buwis na pinatong sa amin ni unkyel sam. buti pa nga yung mga TNT rito dahil tax free ang mga suweldo ng mga ulul.
I keep a close watch on this heart of mine
ang sabi sa mga health manual na kumakalat dito ngayon, kailangan mo raw maglakad ng 10,000 steps araw-araw para siguradong makita mo ang titi mo tuwing iihi ka (kung lalaki ka, siyempre). nakakaliit daw kasi ito ng tiyan. personal experience tells me na tutuo ito pero duda ako na kayang maglakad ng mga taga rito ng 10,000 steps a day, especially dito sa california kung saan kailangan mo pang gumamit ng kotse para pumunta sa sari-sari store, pag nautusan ka ng asawa mo na bumili ng suka.
The 2007 Philippine Blog Awards
nalaman ko ngayon na nanalo ako ng Best OFW Blog sa philippine blog awards. sayang hindi kami nakadalo ni jet. masarap sanang kumain ng libre, makipag beso-beso ng lips to lips na labas ang dila at makipag kulitan sa mga pinoy blogger na karamihan siguro ay pwede ko nang maging anak. maraming salamat sa mga organizers at sa mga judges.
WISH I DIDN’T KNOW NOW WHAT I DIDN’T KNOW THEN – PART 2
things i know now at 41 that i should’ve done when i was 21:
- huminto sa paninigarillo – maaga akong natutuo magyosi at nagsisisi ako na hindi ako huminto agad. in fact nagpatuloy ang bisyo ko from high school all the way hanggang sa aking late 30’s. kung di pa ako na hospital, hindi ako titigil. hay naku, hindi lang titi ko ang matigas. sana hindi pa huli.
Funny thought I felt a sweet summer breeze
ano ba kailangang gawin para mag improve ang memory?
napansin ko kasi, nahihirapan akong ma-retain ng mga bago kong natutunan. nag decline ito nang mag turn ako ng 40 years old. minsan nga nakakahiya dahil hindi ko maalala ang mga pangalan ng mga tao kahit araw-araw kaming nagkikita. ok lang sana sa pilipinas dahil kalabit, “hoy” at saka “pssst” ay ok nang pangtawag sa mga tao. pero dito sa amerika ay malaking problema dahil baka magulpi ka pa pag nangalabit ka na may kasama pang sitsit at “hoy”, tulad ng ginagawa ng maraming mga pinoy na kulang sa pansin.
MGA LARUAN KO SA OPISINA… COWBOY AT LANGAW, NAGSE-SEX
Batang Kaning Lamig 