wala namang extra special na nangyari sa akin papasok sa office ngayong umaga. ah except na may umutot sa aircon bus. tanginangbahutalaga pre! ang bantot bantot! pag pinatagal pa niya yon ng hanggang hapon, baka mag-invade nang mga amerikanong cowboy dito sa singapore, due to chemical weapons of mass destruction.
makauwi kaya kami ngayong june? hmmm… naglalaway na akong umuwi. gusto ko nang tumambay sa garden ko. amuy-amuyin ang mga bulaklak, magputol ng damo, mag-ihaw ng liempo habang umiinom ng malamig na serbesa.
miss ko na kayo… iced tea o kaya kape on the side. kapitbahay na maingay. tunog ng tricycle. kalembang ng sorbetero. balut. lechon. alikabok (sa ilalim ng dagat? mwa-ha-ha), aso kong si datu, hot pan de sal na may palamang reno liver spread, tsitsaron, pork barbeque, amoy ng sahig na nilinis ng domex, alaskahan at murahan…hehehe. bwakanginangyan, putonginamoy, anakngpusakunting. tagalog na mura. malutong.
ah, di bale 2 buwan pa naman. may panahon pa para humupa itong tangnang SARS na ito. pwede pang magdasal at mangarap. sana, sana… makauwi na. hey! hey! (ayan panginoon, nakikinig ka ba, may cheer pa sa huli! hehehe)
Hoy BatJay,
Tigil-tigilan mo nga yang pag-lalandi mo ha! Alam kong may SARS diyan sa Singapore pero yung mask mo eh sobra nang over-kill. At saka, ang init init diyan, bakit kailangan mo pang mag-suot ng capa? Sagutin mo nga yan, ha! Pa-kyut ka talaga kahit kailan. Hindi ko rin maintindihan kung bakit sinusuot nyo ang pantalon bago underwear. Mga Amerikanong Super-Hero…ang bobobo nyo talaga. Isa pa, yang si Robin ha, pagsabihan mo yan ha – lapit ng lapit sa kapatid kong si Ding. Himas ng himas ng kamay ng utol ko. Bakla ba yan? Kung gusto nyang magpalipas sa kapatid ko eh, sabihin mo na lang kay Robin na ikaskas nya na lang sa pader. Ang libog libog nya!
Sige, dumalaw lang naman ako as Blog site mo para tingnan kung may message si Valentina. Matagal ko na siyang hinahanap eh.
Ingat na lang sa mga Joker,
Darna
Dear Mommy,
Ok naman kami dito sa Singapore. Alam kong nag-aalala kayo sa amin dahil sa SARS. Sinusundan naman namin ang sinadabi ng gobyerno. Hindi kami masyadong lumalabas. Naghuhugas kami parati ng mga kamay at nagsusuot na rin ng mga protective mask. Sa katunayan nga, last week-end, nagpagawa kami ni Jet ng bagong mga damit. Para naman hindi nakakahiya pag suot namin ang mga aming mga maskara. Please see enclosed picture na kinuhanan sa studio malapit sa bahay namin. Nilagyan na rin namin ni Jet ng dedication ang litrato.
OO nga pala, kinakamusta kayo ni Robin at ni Alfred. At saka, huwag kayong maniniwala sa mga tsismis na bading ako. Porke ba parati kong kasama si Robin sa lahat ng mga lakad ko eh… kukurutin ko na yang mga bumubulong sa iyo eh. OO nga pala mama, huwag kang magagalit kung makita mo ako ha, nagpa-ahit ako ng kilay eh.
Ingat na lang diyan, ang inyong anak na nagmamahal,
BatJay
p.s. Nagpakulay nga pala si Jet ng buhok. Pag nakita nyo siya, batiin nyo naman ang magandang kulay.
kanina sa banyo, muntik ko nang lagyan ng toothpaste ang pang-ahit ko. kung nagkataon sana, hehehe, sugat-sugat ang gilagid ko. (pregnant pause, habang nagmumuni-muni)…
…sabagay, maigi na iyon. kung shaving cream ang mailagay ko sa aking toothbrush, bubula bibig ko. bad yon.
natutulog pa si jet ngayon. pero siya ang gumising sa akin kanina. mayron kasi akong gustong panoorin sa tv ng 3:30 ng madaling araw. pag gising niya sa akin, may nakahanda nang kape at tubig na malamig. swerte ko talaga.
happy palm sunday sa lahat. iwagayway nang mga palaspas at kumanta ng hossanang galing sa Jesus Christ Superstar:
Crowd: “Hosanna! Superstar! Hosanna! Superstar! Hosanna! Superstar! Hosanna! Superstar!”
Critikong Pariseo sa pagdating ni Jesus sa Jerusalem: “Listen to that howling mob of blockheads in the street! A trick or two with lepers, and the whole town’s on its feet.”
kabisado ko ata yung buong “jesus christ superstar” dahil dumedede pa ako, pinapatugtog na namin ito sa bahay. tuwing holy week naman ay iaarkila namin ang BetaMax. gustong gusto ni jet pag kinakanta ko yung “pilate’s dream” na may kasamang gitara. it is a great song – slow, haunting at punong puno ng melancholy. teka nga at maharana. mamamalengke raw siya ng maaga eh.
Our SingLish Word of the Day
Kiasu (adj), pronounced ‘kee-a-soo’ – A Hokkien expression literally meaning ‘fear or dislike of losing out to others’. Generally refers to an attitude of overzealousness in an effort to be better than the next guy or not to lose face. “Kiasuism” (verb) – to make someone else lose out.
yung pag-iwas sa gulo, pagtimpi at pangunawa streak ko lately ay natutunan ko kay yvette, ang may-ari ng isang magandang website na pinamagatang: A taste of Africa . Ang site na ito ay puno ng mga nakaka-inspire na kwento sa buhay ng isang matapang na pinay sa hargeisa, somaliland, sa sungay ng africa. last week, may pumunta sa kanyang site at nag-iwan ng mga nakaka-inis na salita sa message box niya. instead na awayin nya ang KSP na ito ay, instead, binigyan niya ng benefit of the doubt at sinagot niya sa disente at marangal na paraan. bilib ako man.
as i was saying while i was interrupted by my bossing yesterday. nasagasaan ako ng bisikleta kahapon ng umaga while i was on the way to work from the train station. sa expo station kasi hanggang office is a five minute walk. eto akong mabilis na naglalakad sa sidewalk may narinig na ingay at biglang napatingin sa likod ko. bigla na lang may parating na bisikleta sa harap ko. inilag ko yung mukha ko at tinaas ang aking mga kamay pangsanga. tinamaan ng siko ko ang mukha ng mama. di naman siya tumumba pero siguro masakit pa rin ang panga niya hanggang ngayon. aawayin ko sana kasi meron akong “moral highground”. bawal mag bike sa sidewalk eh. kaya nga “sidewalk” ang tawag doon kasi pang-walking. sana kung “sidebicycle” yon. ang dami ko sanang sasabihin sa mama:
“you nearly killed me, you moron.”
“you’re not allowed to ride a bicycle in the sidewalk, you ipis brain”
“you @$%#@#$@$$^&(%#@$! watch where you’re going!”
“what are you trying to EXIT ha?” (in tagalog: anong gusto mong palabasin?”)
“what are you taking me for? granted?”
filled with righteous anger, gusto ko sanang hamunin ng suntukan. kaya lang naisip ko, ganito nagsisimula ang mga guerra. people claiming to have the moral highground, filled with righteousness and male hormones, trying to pick a fight. what was i trying to exit kung hamunin ko siya ng suntukan. wala. walang magandang kalalabasan. and so, hindi ako naging confrontational asshole (na kadalasan magiging reaction ko). naglakad na lang ako ng mas mabilis papuntang opis.
monday morning rush to work. nakatayo sa loob ng train at nagmamasid ng mga pasahero. pasok ang mag-asawang bumbay. isa lang and silyang available para sa kanila. binigay ni mr. ang mga bag sa misis niya at umupo. lumakad ang train. habang lumalakad, nag-uusap sila – si mister nakaupo pa rin at si misis ay may hawak na bag ay nakatayo.
